Vakstrarhúsgass

Útlátið av vakstrarhúsgassi í Føroyum stavar frá trimum høvuðskeldum: 

• Orku
• Landbúnaði
• Ídnaðarligum tilgongdum

Í 2020 stavaðu 87,3 % av samlaða útlátinum av vakstrarhúsgassi í Føroyum frá orku, t.v.s. brenning av olju (og burturkasti). Sí nærri her.

Á leið 2,3 % av útlátinum stavaðu frá landbúnaði, serliga neytahaldi, men eisini frá djórum, sum ganga á beiti og frá handfaring av tøðum. Sí nærri her.

Herumframt stavaðu á leið 10,4 % av samlaða útlátinum av vakstrarhúsgassi frá ídnaðarligum tilgongdum t.v.s. nýtslu av sterkum vakstrarhúsgassi. Sí nærri her.

Samlað útlát av vakstrarhúsgassi, 1990-2020.

Keldur: Hagstova Føroya, IRF, Tórshavnar kommuna, SEV, Atlantic Airways, kølimontørar og oljufeløg, sum leitibora í Føroyum

Nærri lýsingar um útláti finnur tú við at trýsta á leinkini í høgra teigi.
 

Les meira

• Frágreiðing um útlát av vakstrarhúsgassi, 1990-2021. Umhvørvisstovan. 27. juli 2022.
• Evnissíða um útlát av vakstrarhúsgassi.
• Tøl fyri føroyska útlátið 1990-2020, sum varð fráboðað til ST á vári í 2022
• National Inventory Report 2022, Emission Inventories 1990-2020. Frágreiðingin til ST um uppgerð av útlátið av vakstrarhúsgassi í Danmark, Føroyum og Grønlandi.
   

Ynskir tú fleiri upplýsingar um útlát av vakstrarhúsgassi, so ring til Umhvørvisstovuna, tlf. 342400 ella send okkum ein teldupost us@us.fo.